SEGRE
Justícia desigual

Justícia desigual

Creat:

Actualitzat:

Era justícia NON ei igual entà toti! Aguesta setmana s’a constatat en un País nomentat Espanha que èm de plen, en ua involocion democratica.

Es rics son mès rics. Eth poder a mès poder. Eth sistema ei melhor sistèma. Eth praube ei mès praube. Eth ciutadan a mens capacitat de ciutadania. Un estat de contrarietats!

Urdangarín e era Infanta Cristina an gessut arrint des jutjats de Palma. Mos an montat un circ en qu’era session a estat digna d’entreteniment, perilh, suspense e emocion. Fin finau era session a finalitzat sense mau. Curiós quan eth mau s’a hèt ath qu’a pagat. Mès, aguesta session de circ s’a retransmès en dirècte e a quedat demostrada era salut dera justícia en aqueth “democràtic, just e igualitari” estat qu’en diden Espanha. Encara i a gent, fòrça gent que se sent orgolhosa dera transicion que se hè’c. Jo enquià hè un temps ma’c auia creigut, inclús, vos e de confessar que l’auia explicat coma un exemple de transformacion politica generosa. Evidentament, m’equivoquè! Era transformacion politica sonque ère postureo e de generositat non n’i a agut bric. Ben ath contrari, mos an prest eth pèu. Mos an compdat un compde entà hèr-mos dormir. Ara començam a desvelhar. S’absòlt gent per panar e s’acuse gent per votar. E sabetz çò de melhor? Aué segurament non i a suficienta consciéncia qu’era impunitat d’aguesti hèts mos afectarà deman.

E un se pregunte, coma ei que s’ac hènt tant mau, guanhe eth PP es eleccions? Donques perquè mos an implantat era pòur, mos an dormit tà barrar es uelhs, mos distrèn tamb fotból e “salvames”, mos amenacen e mos caren. A menos educacion, menos critica. Ja auem eth cocktail servit ena taula. Brindam?

Justícia desigual

Justícia desigual

tracking