Catalán Castellano
Regístrate | Iniciar sesión Regístrate Iniciar sesión
Menú Buscar
Buscador de la Hemeroteca
Segre Segre Premium

ACCIONAR O REACCIONAR
  • ÀLEX MOGA

Eth Talent de besonh

Actualizada 19/05/2018 a las 09:21
Eth Talent de besonh

Todas las imágenes y contenidos de SEGRE.com tiene derechos y no se permite su reproducción y/o copia sin autorización expresa.

© Eth Talent de besonh

SEGRE

Aran a estat un exemple de creishement economic exponenciau e contonhat enes darrères decades. I a àmbits, en canvi, que en opinion personau encara èm luenh entà arténher es estandards que mos hèsquen arribar ara mieja.

Eth nòste modèu de creishement economic se basèc, principaument: ena lectura acertada qu’eth motor economic deth País (Baqueira Beret) e eth client que venguie entara estacion, auie de besonh un hilat de servicis que le hèssen sentir ua experiéncia unica e sensitiva. Liegèrem acertadament qu’era aufèrta de servicis dera estacion d’esquí auie de besonh d’ua aufèrta complementària dehòra dera madeisha. E acertadament, la creèrem e de fòrça qualitat.

Èm en ua prohonda transformacion en toti es àmbits. Auem dus reptes importants se volem qu’aguesta linha se mantengue e non decréishe. Eth prumèr des reptes, ei adaptar-se ara naua realitat des demanes qu’eth client à e aurà. Eth dusau repte ei incrementar era nòsta activitat economica dehòra der iuèrn. Entath prumèr repte, prepausi, iniciar eth canvi progressiu deth concepte “client compre producte” ath concepte “client pague per ús”. Entath dusau repte, prepausi començar a potenciar e aprofitar era tecnologia actuau e era qu’ei a punt d’arribar entà contunhar aufrint ath nòste client ua experiéncia unica e sensitiva dehòra dera sason d’iuèrn. Aran aufrís fòrça possibilitats!!!

Un des problemes tamb eth que s’estan trapant es administracions publiques e es empreses ei era dificultat entà arténher era capacitacion formativa e professionau de besonh entàs transformacions e canvis que vien, derivats principaument, dera tecnologia. Se ad aguesta le igem eth besonh, d’Aran, d’incrementar era qualitat ena prestacion de servicis podem daurir ua pòrta ara oportunitat. Crear, retiér e captar Talent. Ei de besonh.

Etiquetas

Uneix-te a la comunitat SEGRE!


Lo más...
segrecom Twitter

Opiniones sobre @segrecom

Envía tu mensaje
Segre
© SEGRE Calle del Riu, nº 6, 25007, Lleida Teléfono: 973.24.80.00 Fax: 973.24.60.31 email: redaccio@segre.com
Segre Segre