Via

VIA (Valors, Idees, Actitud) ei ua naua publicacion exclusivament en digitau. Non pretèn èster ua revista, non ei un tweet, ei unicament ua publicacion que vò ajudar ara reflexion.

Eth prumèr numerò ei dejà publicat, la podetz liéger ben per smartphone (telefon mòvil), pera tablet o per ordenador. Era adreça entà trapar-la ei: www.alexmoga.cat (la poderatz liéger en castelhàn o en inglès).

Eth prumèr article parle de “Era mutacion deth poder”. De coma era evolocion deth podèr entà definir es canon des societats s’a establert tostemp des d’ua optica dominanta, abantes d’ua manera, ena actualitat d’ua auta, tamb un patron inalterable.

Hè referéncia, tanben, a escritors contemporanis de lideratge mondiau en pensament e reflexion coma Zygmunt Bauman o Ulrich Beck. Introdusís conceptes sociaus e sociologics coma era democràcia d’internet; que anarè desvolopant tamb eth temps.

Era tecnologia non ei sonque un esturment entà provedir-mos de facilitats entath nòste ús e comoditat, era tecnologia dejà ei un miei de transformacion sociau, culturau e economic. Enquiara era vision dera tecnologia s’a percebut mès entara oportunitat personau que, coma esturment d’oportunitat colectiva. Ja èm enes pòrtes entà començar a vèir coma, se non mos incorporam ad era des d’ua optica esturmentau entath nòste benefici común, mos desplaçarà enes ahèrs mès basics, fragils e debils dera vida vidanta.

Eth dusau numerò de VIA, encara sense data de publicacion, sajarà d’anar un shinhau mès enlà tamb un article fòrça entenedor que persute er objectiu d’ajudar a enténer un shinhau mès eth comportament sociau des persones a trauèrs dera globalitzacion coma concepte e non pas coma adjectiu.

Tamb sies menutes en auratz suficient entà liegér-la, e se compartits era reflexion artenharam tanben, tamb sies menutes, toti amassa desvolopar “inteligéncia colectiva”.