SEGRE
Tecnologia 2019-2023

Tecnologia 2019-2023SEGRE

Creado:

Actualizado:

Es melhors e mès grani experts, atau coma, es melhors e mès granes empreses deth mon s’an citat un an mès entà presentar ath mon es nauetats tecnologiques que dejà son a punt d’arribar ara comercialitzacion massiva. Segurament enes pròplèus setmanes poderatz començar a liéger articles e reportatges sus nauetats de tot tipe ¡Vos recomani liéger-les!

Coma de ben segur sabetz, e tot just un an (aguesta madeisha setmana) comencè a trebalhar en un Programa d’implantacion tecnologica entath país, aprovat peth Conselh Generau d’Aran, que desvolope eth concèpte “Govèrn dubèrt”. Sense entrar en detalh de sò que vò díder aguest concepte, coma linha generau, ei un Programa que saje de premanir; per ua banda as institocions deth País (Conselh, Ajuntaments e EMD’s) e per ua auta ara societat aranesa (ciutadania, empreses e organitzacions civils) ar impacte (enes persones, ena economia, enes empreses e autònoms, en mon laborau, en educatiu e sociau) que dejà està auent (e transformant) era tecnologia ath conjunt dera societat.

Aguest prumèr an de trebalh mos a permès crear era arquitectura; Eth 2019 portaram a tèrme eth dessenh e er inici deth Plan d’accion e serà a partir der an 2020 quan preveigui era maxima acceleracion efectiva deth Programa.

Mès serà en an 2020, en plea acceleracion deth Programa nomentat, que calerà començar a dessenhar e crear (en Aran) eth Programa de Tecnologia Disroptiva entà hèr frònt a tot çò que mos comportarà era inteligéncia artificiau (AI), er Internet des Causes (IoT) e era Tecnologia 5G. Hè ues setmanes, en aguesta madeish columna, demanaua consens tecnologic a totes es fòrces politiques, auè les demani que hèsquen deth sòn Programa electorau un compromís reau e efectiu tamb era tecnologia e eth sòn ús en positiu per part de toti e totes. Un consens de País estrategic, de present e de futur.

tracking