Lideratge emprenedor

Agèr finalizèc era edicion deth CES (Consumer Technology Association), eth certamen de tecnologia mès important deth mon, en Las Vegas. Pendent tres dies es grans corporacions tecnologiques presenten sò que seran es sues nauetats entar an que tot just acabe de començar. Era edicion d’enguan a recuperat era presencialitat, dempús qu’era der an passat se realizèc integrament en entorns virtuaus e digitaus, tamb un hilat de nauetats que diboishen un oritzon en cins escenaris estrategics: era tecnologia des aliments, era tecnologia espaciau, eth metavers, es veiculs autonòms e es NFTs.Coma de ben segur sabetz e auratz liejut ath long der an passat, eth metavers ei era pòrta d’entrada a un infinit d’oportunitats que tot just acabe de daurir-se.

Entar an qu’acabe de començar eth men trebalh virarà ath torn d’aguest e des NFTs, que von parlaré en d’auti articles. Ath long d’aguest an vos aufriré un hilat d’esturments entà iniciar-vos en aguesta naua digit-virtuau e pujar-vos ath tren des oportunitats.Peth moment vos recomani era lectura des articles que vau publicant en diuèrsi canaus informatius (www.alexmoga.cat) entà saber un shinhau mès de sò que ei e serà eth Metavers. Inici ua aventura que promet éster trepidant e que vò éster generosa en tot hèr retorn ara societat e compartir eth coneishement entà méter lum a totes aqueres persones qu’auè sonque ven foscor.