SEGRE
Eth Bitcoin

Eth BitcoinSEGRE

Creat:

Actualitzat:

Hè ues setmanes escriuí un article sus es criptomonedes. Ère un article bàsic entà enténer era esséncia dera sua creacion e foncionament. Advertia qu’ua des amenaces ère qu’eth sistèma financèr mondiau non les accepte publicament, encara. Setmanes dempús d’aguest article, vos e de díder que mos an dat ua sorpresa majuscula, era banca JP Morgan (EEUU), tres mesi dempús de proibir as sòns empleats invertir en criptodivises, acabe de publicar un informe que non sonque les reconeish, senon que les recomane coma inverssion.

Un des grans problemes a que s’enfrente era banca tradicionau ei era estructura tecnologica que sustente es criptodivises, eth “blockchain”. Fòrça mès segura, mès eficaç e mès eficient. Eth desconeishement deth Blockchain ei çò que portec a JP Morgan a hèr un informe en seteme, deth Bitcoin, totaument negatiu. Ara a agut de rectificar. Era tecnologia Blockchain (blòcs de cadenes) a arribat e tot just comence, es possibilitats son grandioses e anarà a mès. Diuèrses variables refòrcen era potencialitat d’aguesta tecnologia. En toti es sectors economics deth mon dejà i estan trebalhant.

Empreses coma IBM, dejà an creat es sues pròpies escòles d’especialitzacion

blockchain

entà captar as prumèrs talentosi de tot eth mon, lèu en liegeratz d’autes. Era diferéncia serà era tipologia de blockchains a utilitzar, m’atravisqui a aventurar qu’era banca tradicionau utilitzarà ben lèu ua blockchain privada entara emission de pagaments entre es sòns clients. Vos diràn que son melhores tecnologiques, mentrestant era cotitzacion des criptodivises s’incrementarà, era tecnologia “blockchain” s’anarà implementant e es “smart contract” formaran part dera nòsta quotidianeitat.

tracking