Dangerosa “disrupcion”

Non descorbrisqui arren se vos digui qu’es dades dejà son, e encara en seràn mès, era matèria prima dera economia deth sègle XXI (dejà ac auia nomentat anteriorament).

Tampòc descorbrisqui arren se vos digui qu’era Inteligéncia Artificiau (Artifical Intelligence) serà eth miei e/o utisi prioritari dera economia deth sègle XXI.

E coma dejà auançaua hè ues setmanes, era tecnologia 5G serà era plataforma sus era que se sustentaràn totes es Tecnologies dera Informacion e Comunicación (TIC’s) ena prumèra part deth sègle XXI.

Aguestes tres evidéncies les estan explicant, creant e desvolopant es païsi que vòlen dominar era post-modernitat (Paul Mason) o ben era modernitat liquida (Sygmund Bauman).

Es àmbits d’aplicacion de cadúa des evidéncies nomentades anteriorament son multidisciplinars e quasi ilimitats en tant qu’er esser uman sigue capaç d’anar auançant e creant sense cap límit. Demori qu’es limits, dera moralitat (coma societat) e dera etica (coma persones), siguen lèu plaçats en un acòrd globau que non traspassen depèn quini auti límits, senon, era situacion pòt arribar a èster fòrça divertida e entretenguda.

Mès cadúa d’aguestes evidéncies, ben siguen individuaument o ensamblades, produsirà uns efectes directes sus era societat, que ath marge des que analitzam e n’estudiam es sòns efectes, que non guaires persones previen. Tant ei atau, que experts de tot eth mon calculen que mès de 700 professions qu’auè existissen en mercat laborau (fòrça d’eres se dan ena Val d’Aran) desapareisheràn enes pròplèus vint ans. Tanben mos diden que ua quarta part des trebalhs que i aurà, en mercat laborau, encara se desconeishen, tot, pera disrupcion des tres evidéncies que e nomentat anteriorament. Què escuelhetz? accionam o reaccionam?