SEGRE
Consens tecnologic

Consens tecnologicSEGRE

Creat:

Actualitzat:

En pògui mesi se celebraran eleccions Municipaus e ath Conselh Generau d’Aran. Aguest viatge tanben coincidiràn tamb es eleccions europees e qui sap s’en igen bèra ua mès.

Sigue coma sigue, era ciutadania auram era possibilitat de renauir o ben canviar as nòsti governants entàs pròplèus quate ans. Segurament, cadun de nosati mos acuelheram ad aquerò mès important entà nosati entà her ua valoracion dera legislatura que dejà arribe ath sòn finau entà treigue-ne es conclosions que mos apròpen a ua o ua auta opcion politica.

Mès, ath delà de valorar eth trebalh hèt, o en cas contrari eth trebalh non hèt o decebedor, serie important que valorèssem es prepauses que mos aufrissen entàs pròplèus quate ans.

N’i aurà de tot tipe e condicions mès i a un, ahèr que resultarà trascendentau entath País enes pròplèus quate ans, qu’ei era tecnologia.

En tot èster conscient des mancances, de base tecnologica, qu’an es diuèrses opcions politiques, les demanaria que hèssen un esfòrç en articolar ua politica de desvolopament tecnologica equitativa, igualitària, progressiva, innovadora e adaptada entà toti es que viuem e trebalham en Aran.

Eth desplegament dera tecnologia 5G, era disrupcion dera Inteligéncia artificiau, era oportunitat d’auer ua aufèrta formativa, professionau e especialitzada ara man, era proteccion deuant des amenaces ciberdelictives, er assessorament entà un consum tecnologic sostenible e responsable, eth foment d’un ús positiu dera tecnologia, era sensibilitzacion e denoncia des males praxis tecnologiques e tantes mès, son quauques idies.

Es pròplèus quate ans veiram un saut qualitatiu e disruptiu en tot eth mon, provocat pera tecnologia, Aran a d’èster ambiciós entà non demorar darrèr. Repetisqui, ei melhor accionar que reaccionar.

tracking