SEGRE
Un Banc d’Aran

Un Banc d’AranSEGRE

Creat:

Actualitzat:

Dempús de fòrça temps e, en tot profitar, que s’apròpen ues naues eleccions municipaus e ath Conselh Generau d’Aran torni a lançar ua idia que pòt semblar impossible. Se hèm un repàs as models d’èxit europeus e sistèmes financèrs estables e de retruc tanben sociaus (es beneficis s’invertissen en País entà persones qu’ac an de besonh e supòrt as empreses locaus) e dempús d’estudiar un cas exitós en Euròpa podem conclodir es exits dera idea e començar a plaçar-la ath dessús dera taula entath debat. Es Sparkasser se constitoiren en Alemania a finaus deth sègle XVIII coma organitzacions sense ànim de lucre entà ajudar as praubi. Era intencion ère ajudar, as persones tamb pògui ingrèssi, a estauviar petites quantitats de diners atau coma dar supòrt ara creacion d’empreses locaus. Era prumèra entitat d’estauvis s’establic per acadèmics e comerciants de mentalitat filantropica en Hamburg en 1778; e era prumèra tamb eth supòrt d’un govèrn locau, se fundèc en Goettingen en 1801. Aguestes entitats siguèren tan eficaces e populars que rapidament s’extenguèren, en tot passar de 630 en 1850 a 2.834 en 1903. Auè, aguestes entitats son 15.600 tamb oficines en tot Alemania e dan trebalh a mès de 250.000 persones, e, no mens important, an un fòrt istoriau d’invertir sabiament enes empreses de proximitat, deth pòble, deth País.

Imaginetz qu’auem un Banc pròpi (ena Val d’Aran) a on es beneficis les reinvertim en melhors servicis públics, mès ajudes dirèctes (sociaus, universitàries, eca) e podem incentivar e ajudar economicament a crear empreses ena Val d’Aran e dar supòrt as qu’existissen. Semble impossible mès administrativament ei possible, sonque mos i cau crèir. Rebrembetz qu’auem un Lei pròpia de País.

tracking