SEGRE
Transformacion laborau

Transformacion laborauSEGRE

Creat:

Actualitzat:

Mentre era quantitat de robòts en trebalh a artenhut nivèus màxims, en un darrèr estudi, publicat, de 2018, era taxa de caumatge (persones que non trebalhen) a nivèu mondiau a queigut as mínims istorics des darrèrs 38 ans. En conclosion: Non ei cert eth tòpic “era tecnologia hè perder lòcs de trebalh”, non ei vertat. Sò que provòque era tecnologia, e transformarà enes pròplèus vint ans, non ei era quantitat senon era qualitat. I aurà naues professions e fòrça des qu’auè coneishem se transformaràn. Aurà de besonh de naues capacitacions tecniques e especialitzades, potenciarà es abilitats personaus, en perjudici des títols penjats ena pared, e exigirà ua adaptacion constant e progressiva en temps. Segontes darrèrs estudis publicadi, es millenals preferissen guanhar mens diners e auer mès qualitat de vida. Aguesta, qualitat de vida, obligarà ara flexibilitzacion des lòcs de trebalh entà adaptar-les ad aguest nau pretzhèt.

Es demandants de trebalh auràn era obligatorietat d’arténher naues capacitacions (coneishements), desvolopar es sues aptituds e arténher naui compromisi (actitud) entà èster competitius. Per méter un exemple: non deisharàn jamès de formar-se de d’estudiar. Respecte ara governança, aguesta aurà d’assomir conceptes nauedosi coma: “bon govèrn”, “bona administracion”, “dades dubèrtes”, “cocreacion de politiques publiques”, eca. Aurà de hèr frònt ara problematica reau e efectiva des persones e aurà de luitar contra era critica que tot canvi compòrte. Qui renuncie ara valentia, entà contentar a toti e totes, serà condemnat ath fracàs.

Es societats que se dormisquen en patiràn es conseqüéncies. Era societat aranesa non en serà ua excepcion. Se deisham qu’es clans e tòpics deth sègle XX guanhen ja vos asseguri que perderam toti e totes. Coma País, inclús, perderam era nòsta rason d’èster.

tracking