x
Català Castellà
Registra’t | Iniciar sessió Registra’t Iniciar sessió
Menú Buscar
Cercador de l’Hemeroteca
Segre Segre Premium

DELIN E DE LAN
  • AMADOR MARQUÉS

Eleccions

16/02/2019 a les 05:22
Eleccions

Totes les imatges i continguts de SEGRE.com tenen drets i no es permet la seva reproducció i/o còpia sense autorització expressa.

© Eleccions

SEGRE

Ua oposicion conservadora qu’a extremat eth discurs e era accion, tanben de carrèr, damb era alendada des ultres triomfaus en sud, e un independentisme qu’a encarit eth dialòg, damb peatges impossibles d’assomir enquiath darrèr moment, an collapsat ua legislatura qu’auie de perméter er inici de tres politiques basiques: eth restabliment der Estat de benèster e d’ua economia mès justa e equilibrada, era regeneracion democratica e era recuperacion dera normalitat institucionau e territoriau. Era pinça des extrèms ac a hèt inviable, e eth 28

d’abriu èm convocadi a ues naues eleccions generaus, un mes abantes des comicis locaus e ath Conselh Generau. S’ena societat pòstmodèrna actuau non i a arren de segur e solid, encara mens en encastre politic, a on se crotzen era volatilitat des principis sotmetudi ara emocion deth moment e era corsa peth podèr, cada còp mès fèble e amendrit, ena sua dimension politica. Era realitat non se dèishe sotméter a un sistèma rigid e compacte de credença. E de forma parallèla, era politica tanpòc s’adeque ja a uns fonaments, que s’an evaporat, e quan ac hè, què en un dogmatisme insoportable. S’an acabat es esséncies, encara que fòrça viatges mos les vòlen véner en sòn pòt miraculós. Eth dògma d’uns e eth des auti ei era mòstra paupabla dera manca dera vertat. Mès tanpòc aguest ei eth problèma, pr’amor qu’era politica d’ara va ara deriva, sense ua idèa regulativa, non pas configuradora ne definitiva, senon ua que contribusisque a un consens democratic, pragmatic, a ua recreacion dera destinacion ara que de vertat èm convocadi: era dera co-existéncia, serena e tranquilla, a despiech de tot.

Temes relacionats
El més...
segrecom Twitter

@segrecom

Envia el teu missatge
Segre
© SEGRE Carrer del Riu, nº 6, 25007, Lleida Telèfon: 973.24.80.00 Fax: 973.24.60.31 email: redaccio@segre.com
Segre Segre