x
Català Castellà
Registra’t | Iniciar sessió Registra’t Iniciar sessió
Menú Buscar
Cercador de l’Hemeroteca
Segre Segre Premium

DELIN E DE LAN
  • AMADOR MARQUÉS

Redescubèrtes

Actualitzada 06/06/2020 a les 08:05
Redescubèrtes

Totes les imatges i continguts de SEGRE.com tenen drets i no es permet la seva reproducció i/o còpia sense autorització expressa.

© Redescubèrtes

SEGRE

Era redescubèrta deth larèr o deth comèrç locau an format part d’aguesti tempsi de confinament e desconfinament controtlat. Mès tanben ei de saludar era tornada tar espaci dubèrt dera natura e es paratges des parçans dera nòsta val per part de fòrça vesins, que dilhèu an tastat per prumèr viatge o i an tornat dempús d’ans sense caushigar-i es pès, laguens d’aguest impuls irrefrenable de gésser de nosati madeishi, d’aguest desir virat de cap tà dehòra coma destin vertadèr der uman. Guaire aranesi deuíem èster era passada dimenjada en Colomèrs, beròi e singular parçan? Tant e tan apròp, ací se trape tota ua resèrva patrimoniau, dera quau, dilhèu ara, n’aquerim ua màger consciéncia. Aguesta vertut ei eth revèrs d’ua situacion, totun, malurosa, de paralisi economica e ua tornada, de bèra forma, a un isolament locau, barrat ara permeabilizacion constanta e abundosa dera gent que sòl transitar entà gaudir deth paisatge pirenènc. Ei coma s’era Val auesse recuperat er esperit d’epòques de subsisténcia e manca de comunicacion damb er exterior, mès damb era gent mès desvagada, sense ua ocupacion laborau (coma mòstren es preocupantes taxes de caumatge), virada en aguesti moments a un sector, eth toristic, fòrça tocat per rasons evidentes. Quan nèish era temptacion de menspredar aguest aperat monocultiu, cau avertir tanben qu’eth torisme a agut era vertut de dauir era val, de forma fisica e mentau, e autrejar-li ua prosperitat que d’ua auta forma auesse estat plan dificila d’arténher. Per aquerò, brotoe eth besonh de recuperar eth sòn dinamisme damb formes mès qualitatives, vivenciaus, complementades damb d’autes qu’apòrten valor e un futur mès digne entà toti.

Temes relacionats
El més...
segrecom Twitter

@segrecom

Envia el teu missatge
Segre
© SEGRE Carrer del Riu, nº 6, 25007, Lleida Telèfon: 973.24.80.00 Fax: 973.24.60.31 email: redaccio@segre.com
Segre Segre