Ua passarèlla tà pedanhs entà un nau accès ara part nauta deth pòble

Un espaci aué dia uet ath cant deth locau sociau de Tredòs acuelherà un nau espaci entà pedanhs, comformat per passarèlles que sauvaràn eth desnivèu enquiara part nauta deth pòble e qu’includirà jòcs infantils. Aguest ei eth projècte que tramite era entitat municipau descentralizada (EMD), qu’a previst ua inversion de 158.027 euros entà milhorar era accessibilitat deth nuclèu urban e, ath madeish viatge, hèr beròia ua zòna enquia ara “confinada entre murs de contencion, damb ua urbanizacion extremadaments dura”, segontes cònste ena documentacion deth projècte, actuauments en informacion publica. Era passarèlla se dividirà en tres trams que començarà ath cant deth locau sociau. Eth prumèra serà adosat ath mur de contencion d’ormigon enquiara sua còta de coronacion. A compdar d’aqueth punt, eth dusau tram ascendirà peth talús, en tot seguir era paret de ròca enquia desembocar en un replan. D’aquiu gesserà eth tresau tram, qu’anarà anclat ath talús de ròca enquia arribar ara part nauta dera localitat. En espaci interior dera passarèlla s’abilitarà “ua petita zòna de jòcs centrada en un tobogan ath que s’accedirà pera madeisha passarèlla”. Era vessant estetica aurà un gran pes en aguest projècte, mès enlà de milhorar era mobilitat des pedanhs. Atau, plantège qu’eth sòu des passarèlles sigue de malha metallica entà qu’era vegetacion pogue atrauessar-la e formar un tapís verd. Tanben ei prevista era plantacion de diuèrsi arbes e flors en talús. Totes aguestes actuacions cerquen, segontes era documentacion deth projècte, “generar un paisatge adequat ad aguest espaci e ath conjunt deth nuclèu de Tredòs”.