SEGRE

Creado:

Actualizado:

Des de qu’a començat eth mes de mai, cada dia a ploigut, aguesta ploja qu’ei plan bona entara cuelheta. Aguest mes, enguan, ei especiaument plojós, temperatures baishes, dies amortats, quan ara se poirien aprofitar mès, pr’amor que se hè de nets tard, mès tanben aguestes ploges son bones e de besonh entara agricultura, ja que s’aumplissen es restanques, lacs, que milhoraràn era disponibilitat dera aigua entà adaiguar. Afavorís eth creishement des peisheus en tot beneficiar ath bestiar, mès tanben produsís damnatges ena floracion de quauqui fruts o retards ena cuelheta.

Aran ei pintada d’un verd intens e de diferentes tonalitats, vedem es tucs encara emblanquits pera nhèu e es vals tamb ua vegetacion plan exuberanta, imatges plan polides, auem un paisatge espectacular entà gaudir-lo. Son ploges principaument de tarde qu’ajuden en creishement primaverau pr’amor que se trapen en plea activitat, en sòn desvolopament. Aguesta umiditat ei decisiva entà transformar es bòsqui en espaci plens de vida e de verdor. Era Val, generaument, non a periòdes de sequèra, trapam aigua per toti es cornèrs, ara fin de mes poiram campar estadistiques des registres de ploja tà comparar damb d’auti ans. Cada espècia vegetau a era tolerància e exigéncia respècte ath clima, per aquerò n’i a qu’apareishen deuant de determinades condicions, tanben son capricioses! Es bestiòtes que i viuen tanben s’en beneficiaràn, mès afavorís era reproduccion de uns auti coma insèctes e parasits e uns auti que s’amaguen o partissen, càmbien de lòc e se compòrten de manèra diferenta a l’abituau.

Acabarè tamb er arrepervèri: “Ploja de primauera, non a passat per mau temps!!!”

tracking