En suspens eth projècte tà abilitar coma otèl era Bòrda dera Artiga

Era comission d'Urbanisme d'Aran a suspenut, ena session celebrada era setmana passada, era aprobacion definitiva deth projècta tà remodelar era Bòrda dera Artiga, en Arties, e dar-li un nau usatge coma otèl de cinc esteles ad aguesta construccion, qu'ara acuelh eveniments coma nòces e d'autes celebracions. Eth projècte prevé un establiment de luxe damb sonque sies abitacions dobles e capacitat tà un dotzenat de clients.