SEGRE

Creado:

Actualizado:

Eth passat dissabte assistí ath Campionat Infantil de Pesca ena Bassa d’Oles, organizat pera Societat de caça e pesca Val d’Aran, tamb era participacion de trenta quate mainatges e mainades, illusionats en poder trèir trueites, en tot recéber prèmis es prumèrs classificats peth pes des trueites pescades e pera mesura des madeishes e un sorteg entà que toti auessen un prèmi. Era societat ja se n’encuedec de repoblar era bassa uns dies abans entà gaudir de tota aguesta mainadèra. Eveniment que se ven realizant dejà uns ans entà fomentar era afeccion ara pesca entre toti aguesti joeni. Era pesca, ei ua activitat tradicionau, istorica e culturau, deth nòste territòri de montanha, de fòrça ans endarrèr. Compdam damb uns rius o estanhs que permeten realizar ua auta practica esportiua en tot compartir en familha o damb amics. Des dera antiquitat a estat ua forma de subsisténcia en tot milhorar era dièta dera gent que viuie ar entorn d’un riu. Ei ua forma de léser entàs amants dera pesca.

Eth hèt de pescar en un riu, produsís er efècte de proteccion e preservacion deth madeish, tanben afavorís era conservacion dera fauna autoctòna. Es rius son ecosistèmes a on i podem trapar ua grana varietat d’èsters vius; enes nòsti i podem pescar trueita fario (marron) ei damb era que se repòblen rius e lacs, trueita arco iris sonque ena Bassa d’Òles entath campionat aguest, hè fòrça ans se reintrodusiren salvelins, mès ara les calerie trèir pr’amor que non son autoctòns e anteriorament cabilacs, espècie pròpria e protegida des rius d’Aran, mès ath delà i a larves d’insèctes, gargolhes, gripaus, etc. que cada un desvolope eth sòn cicle vitau. Ben pera iniciatiua!!!

tracking