Reparacions e milhores en un dotzeat de camins dera Val

Era brigada de servicis deth Conselh Generau d’Aran amie a tèrme trabalhs de conservacion e milhora de camins en espacis naturaus dera Val, coma eth camin ciclable entre Aubèrt e eth parçan de Bèussa, a on s’a retirat tèrra e pèires dera via, o era canalizacion dera aigua en camin dera casilha de Betlan.

Tanben s’an trèt arbes queigudi des pistes des zònes de Betren enquia Casarilh e ena de Casau, toti eri en Vielha e Mijaran. En barranc dera Bordeta, mentre, s’a tornat a canalizar eth cors dera aigua dempús d’auer-se desviat e auer demorat cubèrt e s’a reparat era passarèlla deth camin dera Solana d’Escunhau. Tanben s’an produsit ena pista dera Montanheta d’Arró e en camin deth Pònt d’Arró.