Eth Conselh apraie e milhore es pistes e camins dera Val d’Aran
Ua des actuacions que s’amien a tèrme. - C.G.A
Es servicis de neteja deth Conselh Generau d'Aran amien a tèrme diuèrses intervencions de manteniment e milhora des pistes dera Val d'Aran. Entre es actuacions destaquen era neteja des marges dera pista de Bos-sòst enquia Arres e dera pista de Varradòs, atau coma eth tram de Pònt d'Arròs enquia Arròs, Aubèrt e Vila. Tanben se pinte era barana dera pista d'Arres, mentre qu'ena pista de Casau se netege era vegetacion entà milhorar era visibilitat e se repare eth paviment. Un aute des punts milhoradi son es baranes deth camin des Uelhs deth Joeu e dera pista de Valarties.
