Eth CETEI, reconeishut damb ua beca dera Fundación Spainsnow

Eth Centre de Tecnificacion d’Espòrts d’Iuèrn (CETEI) deth Conselh a estat un des beneficiaris dera convocatòria de beques auatrejades pera Fundación Spainsnow, impulsada pera Real Federación Española de Deportes de Invierno (RFEDI). Aguest reconeishement, a trauès d’ua beca damb ua dotacion economica de 4.000 èuros, se destinarà a un projècte orientat a milhorar era eficiéncia energetica e era sostenibilitat des transpòrts qu’empleguen es joeni esportistes enes programes de pretecnificacion deth CETEI. Javier Cavero, conselhèr d’Espòrts deth Conselh Generau, afirmèc que “aguest reconeishement ei un motiu de gòi entara Val, e demòstre que volem èster un territòri referent, non sonque en espòrts d’iuèrn, mès tanben en innovacion e sostenibilitat. Cau senhalhar qu’eth CETEI a estat era unica entitat catalana deth Pirenèu seleccionada, çò que supause tanben un reconeishement ara trajectòria de collaboracion damb clubs, familhes, Baqueira Beret, eth Palai de Gèu, er Institut d’Aran e d’autes institucions deth territòri”.