Multitudinària plantada deth Haro en Les eth dissabte de Sant Pere
Vesins e vesies participèren ena plantada.; Array
Coma cada an, en tot coincidir damb eth dia de Sant Pere, era localitat de Les viuec era tradicionau Quilha deth Haro en ua hestiva jornada qu’amassèc a centeats de persones, autant vesins coma visitaires.
Eth Haro, protagonista dera celebracion, siguec talhat a darreries d’abriu, e eth dusau dissabte de mai se hèc era shasclada, un trabalh collectiu tà premanir-lo.
Pendent era ceremònia, impregnada de simbolisme ancestrau, eth Haro siguec plantat de forma invertida, damb es arraïtzes en tot apuntar tath cèu, en un gèst que cerque atrèir es fòrces divines enquiara tèrra e benedir atau era comunitat.
Eth moment mès demorat arribèc quan es parelhes recentaments maridades dera localitat coronèren eth Haro damb aufrendes floraus: ua corona, un ram e ua crotz, toti eri simbèus de fertilitat e prosperitat. Aguestes aufrendes sigueren collocades ena part mès nauta deth tronc per joeni que, damb abilitat e esfòrç, tensèren es còrdes tà complir damb era tradicion.
