Eth Conselh presente en Madrid era campanha toristica d’ostiu
Era sedença de Baqueira en Madrid acuelhec era presentacion. - CONSELH GENERAU
Er Airau de Torisme deth Conselh a presentat es activitats programades entad aguest ostiu, entre es que cau destacar eth senderisme, damb mès de cinc cents quilomètres de rotes senhalizades entà toti es nivèus, quate accèssi ath Parc Nacionau d’Aigüestòrtes e Estanh de Sant Maurici, o es camins de gran recorrut GR 11 per Catalonha e GR 10 a trauès de França.
Es visitaires tanben poiràn practicar espòrts d’aventura, vies herrades, rafting o escalada, ath delà d’excursions guidades en buggies e mòtos electriques, sense desbrembar era gastronomia.
