Pròves entà arténher es certificats d’aranés

Eth Conselh Generau d’Aran a iniciat aguesta setmana es pròves oficiaus entara obtencion des certificats d’aranés/occitan corresponenti ath cors 2025-2026. Era jornada inaugurau comencèc eth deluns damb es pròves oraus deth nivèu A2 ena sedença dera administracion aranesa e damb es pròves escrites, que se hèn ena Escòla Garona de Vielha. Era convocatòria s’alongarà enquiath 4 de junh e includís es examens des nivèus A1, A2, B1, B2 e C1. Es pròves escrites se hèn de forma presenciau, mentre qu’es pròves oraus se desvolopen de forma telematica damb oraris assignadi, individuaument o per parelhes. Eth Conselh Generau d’Aran a volut méter de manifèst “er increment der interès pera formacion e es certificacions d’aranés, atau coma era participacion d’estudiants, docents e professionaus dera administracion publica”.