Vilamòs e Bossòst recreen er impacte deth Plater

Es Ajuntaments de Vilamòs e Bossòst an recreat damb imatges virtuaus er impacte qu'aurie enes respectius municipis era implantacion deth Plater, eth Plan Territoriau Sectoriau d'energies renovables dera Generalitat, e dauant eth quau andús consistòris an presentat allegacions, ath delà de higer-se as deth Conselh Generau d'Aran. Eth baile de Vilamòs, Oriol Sala, se planh qu’era actuau planificacion “harie a pèrder” eth projècte Ovihuec, damb eth qu’eth sòn municipi a impulsat un projècte paisatgistic e de recuperacion de peisheus gràcies a un ramat municipau. Pera sua part, era bailessa de Bossòst, Montse de Burgos, rebrembe qu’era sua localitat ei “autosufisenta gràcies ara energia idroelectrica e ara biomassa”, e qu’eth Plater non a auut en compde “es jadiments arqueologics, es zònes de proteccion d’audèths autant coma quaqui camins deth pòble”.