Un 25% mès car ampliar era comissaria de Vielha
Dusau licitacion en cinc mesi en demorar desèrta era prumèra. Eth projècte prevé bastir un edifici annèxe

Es actuaus installacions des Mòssos d’Esquadra en Aran. - MANU MOGA
Era Generalitat de Catalonha a tornat a licitar, per dusau viatge en cinc mesi, eth projècte entara reforma integrau e era ampliacion dera comissaria des Mòssos d’Esquadra dempús que cap d’enterpresa se mostrèsse interessada en assumir er encargue. Ara, entà evitar qu’eth nau concors pogue demorar desèrt un aute viatge, era enterpresa publica Infraestructures.cat a incrementat un 25% eth pressupòst basa dera licitacion, en tot passar des 2,55 milions d’euros as enquias 3,15 milions dera darrèra convocatòria.Era naua licitacion arribe dempús qu’era Conselheria d’Interior inicièsse eth passat mes de junhsèga un periòde de consultes damb enterpreses deth sector entà milhorar es condicions deth contracte e facilitar era presentacion d’aufèrtes entà ua òbra de longa durada que requerís fòrça personau que, se non ei locau, aurà de residir ena Val d’Aran mentre se hèsquen es trabalhs, çò que harie a pujar es còsti de bastiment.Com eth prumèr, eth nau concors includís era redaccion des projèctes constructius e era execucion des òbres entà méter ath dia es installacions dera comissaria, qu’a ua superfícia de 410 mètres quarrats, e doblar er espaci disponible damb eth bastiment d’un edifici annèxe de 535 mètres quarrats. Eth plec de condicions dera licitacion especifique qu’aguesta naua construccion aurà d’èster connectada damb era actuau comissaria mejançant ua passarèla. Tanben ei previst d’amiar a tèrme era adequacion des espacis d’urbanizacion exteriors e es accèssi, qu’aucupen uns 3.000 mètres quarrats. Es òbres ena comissaria de Vielha formen part deth Programa d’Encargue d’Accions aprovat peth Govèrn a darreries der an 2024, a on ei previst qu’es milhores que se vagen a hèr en diuèrsi edificis policiaus se desvolòpen mejançant moduls prefabricadi que poguen requerir un ensamblatge de precision. Era execucion des òbres se desvoloparà en dues fases. Ena prumèra se bastirà eth nau edifici dera comissaria, qu’ei previst qu’age ua durada d’ath torn de dètz mesi. Quan acabe era part iniciau d’aguest ambiciós projècte, eth personau de policia que trabalhe en edifici ja existent s’aurà d’installar enes naues dependéncies, ara demora que se pogue completar era reforma dera actuau comissaria, que non s’aurie d’alongar mès enlà de sies mesi.