Eth Teletrebalh

E fòrça ans qu’escriui sus es avantatges dera tecnologia entath creishement personau, professionau, empresariau, sociau e collectiu. Ena mia website personau (www.alexmoga.cat) podetz trapar fòrça articles publicadi tamb er objectiu d’apropar er ús dera tecnologia as persones e organitzacions de tot tipe.

Era tecnologia m’a permès créisher personau e professionaument, à artenhut redusir-me totes es distàncies e obstacles tamb eth mon deth coneishement, dera empresa e deth trebalh, inclús poder formar-me enes mès prestigioses universitats e es melhors centres de negòcis deth mon, tot sense botjar-me de casa. Eth confinament provocat pera pandèmia mos a portat quauqu’arren “positiu”, eth trebalh a distància e eth Teletrebalh. Era tecnologia mos permet trebalhar sense botjar-mos de casa, tamb seguretat e respectant era conviéncia sociau. Totes es administracions e milers d’empreses hèren en detz ores aquerò que toti es experts pronosticauen que tardaríen detz ans. Era pròva, qu’er human ei eth principau obstacle entath desvolopament e progrès dera societat.

Eth teletrebalh (que non vò díder, sonque, trebalhar desde casa) ei era oportunitat entà guanhar toti. Per un costat se guanhe en qualitat de vida personau e familiar e, per aute, es organitzacions guanhen en productivitat, competitivitat e dismunicion de despenes. Ara auem vist qu’ei possible, ara tòque esvitar qu’es inercies deth passat guanhen ara oportunitat qu’auem descubèrt.