Adiu 2021

Se er an 2020 siguec entà oblidar, eth present an qu’ei a punt d’acabar tampòc serà entà rebrembar. Era pandèmia a tornat a éster era protagonista deth nòste dia a dia, aguest an òc tamb era vacuna coma camín entà vèir era lum ath finau deth camín, mès encara non auem arribat ath finau d’aguest. En àmbit economic tampòc a estat sò que demorauem, mos auem recuperat parciaument mès fòrça milers de families e persones se trapen en situacion dificila, inclús er ensenhador de praubesa a tornat a pujar respecte ar an anterior.

Aguest an 2021 vierà mercat per d’autí ahèrs importants que non pòden demorar en desbrembe. Eth prumèr eth “volcan” de La Palma, mès de noranta dies e maus de tot tipe entà ua poblacion qu’ac a perdut tot e qu’à de sentir a partir d’ara que non se les dèishe abandonadi. Eth dusau ahèr a non desbrembar ei eth repte e era luita peth canvi climàtic, auem pogut vèir e patir es sòns efectes cada viatge mès intensi, non podem desbrembar que cadan mès persones e families veiràn coma se empraubissen o ac perden tot se non mos igem toti e totes ara luita e minimitzacion dera sua destruccion.Eth tresau des ahèrs mès importanti a non desbrembar ei era pujada des prètzi dera energia (e d’autes materies prumères), non podem perméter qu’aguestes pujades qu’afecten directament ara inflacion e ath poder de riquesa e crompa des pèrsones e families sigue normalitzat, milers de persones patiran aguest iuèrn praubesa energetica.Eth quatau e darrèr ahèr, era tecnologia tamb eth “metavers” coma destín a entrat en nòste imaginari.

Aguest ei un camín long plen d’oportunitats, non li detz era esquia e pujat-vos ath tren des oportunitats que vien. Eroses hèstes a salut entà totes e toti.