Tredòs restaure pintures en Sant Estève

Era entitat municipau descentralizada (EMD) de Tredòs, en municipi de Naut Aran, invertirà 46.000 euros en restaurar es pintures muraus romaniques dera glèisa de Sant Estève, que patissen diuèrses patologies derivades dera umiditat. Era situacion actuau compòrte un risc de deteriorament d'aguest patrimòni de naut valor istoric e culturau, ath delà d'ua possibla pèrta irreversibla de fragments pictorics se non s'intervie de forma urgenta en aguest temple.Es trabalhs que s’amiaràn a tèrme includissen era descubèrta des pintures caperades actuaument jos capes de caudea, guish e mortèr, era neteja mecanica e quimica dera superfícia, ath delà deth sanejament e consolidacion des zònes deth mur sense decoracion. Ei previst qu’es trabalhs s’alonguen pendent un parelh de mesi.