Hilats sociaus

ES HILATS sociaus semble que son eth futur per çò que hè ar usatge sociau d’ua lengua, mès tostemp en i a bèra ua que predomine sus es autes, e parli deth castelhan e der anglés. Ara ja costarie fòrça víuer sense es hilats, an vengut tà quedar-se e cada còp, dia a dia, naues plataformes conviden a participar. Ena nòsta lengua i podem trobar eveniments puntuaus e que vien d’institucions deth país principaument, mès non totes! Era gent en generau non ten er aranés coma lengua entà expressar-se enes hilats– Perqué ei atau? Pensi que i a diferenti motius. Un eth qu’arribe a mès gent s’ei en castelhan, ua auta que les còste escríuer ena nòsta, non se ven segurs, ua auta eth contengut deth missatge a qui va dirigit, naues relacions sociaus, connexion globau de persones de tot eth mon, etc.