UTMB
Auem agut era UTMB en Vielha, ei era 6au. edicion, tamb apròp de sèt mil inscrits qu’an a corrut pes nòstes montanhes e carrèrs de bèth pòble. De cada còp i a mès seguidors e participants d’aguestes carrères. Auem agut eth territòri plen, en carrèr fòrça movement, gent per tot. Ja s’a convertit en ua cita imprescindible en mon deth mountain running, córrer pes montanhes. I a sèt carrères de diferent quilomètratge e diferent desnivèu. Era que se n’empòrte era pauma ei era longa, de 163 km, pera sua dificultat, recorren tota era Val pes montanhes. Cau èster premanit entà realizar aguesta gèsta, mès eth qu’ac practique ja ac sap e ei eth sòn objectiu, poder arténher eth punt d’arribada, era meta e tocar era campana, ei eth prèmi despús deth patiment des ores corrent, mès ei un patiment entà arténher un fin, e aguest fin ei eth mercat particularament des corredors, tad aquerò s’an premanit. Eth son dera campana en arribar simbolize er esfòrç realizat, ath madeish temps ei un son agradiu de trionf. I a agut fòrça mesi de preparacion, dies d’entrenament que fòrça d’eri ac an trèt de temps d’estar tamb era fami-lha o es amics. De ben segur ath darrèr de cada un i a ua istòria! Ei un rèpte fisic e mentau. Per exemple ena corsa des 10 km des volontaris i participaue ua gojata francesa que non i vedie guaire e l’acompanhaue ua expèrta en aguestes carrères, ei polit veir aguesti gèsti. Açò sonque ei un gran de sable ath deuant de tanti corredors implicats. Dident qu’eth córrer pera net, era escuretat e eth silenci provòque fòrça fatiga, sòrt en i a qu’ath passar pes pòbles o es lòcs d’avitalhament tostemp n’i a bèth un qu’anime. Endeuant e felicitats, finishers!!!