SEGRE

Creado:

Actualizado:

pr’amor qu’era significança dera persona ei condicion de possibilitat dera sua dignitat, conscienta sustot quan patís dolor, en carn pròpria. Mès ena pòstmodernitat vigenta, aguest bastiment a derivat en ua abituau autoficcion en encastre culturau e literari, reflèx d’ua vida basada ena fragmentacion des jos isoladi, damb vocacion autosufisenta e complasenta, incapables de pensar mès enlà d’eri madeishi. En fin, un problèma que mos agace, pr’amor que jamès èm deth tot tranquils. I pensi sustot ath cap des crestes, quan veigui eth mar de montanhes, encara nheuades, que son e i seràn, en tant qu’aguest jo qu’i passe ei efimèr. Es montanhes demoraràn mès enlà de nosati. Vau era pena alavetz tanta inquietud? Damb motiu dera monumentau biografia de Pessoa escrita per Richard Zenith, torni tath gran Livro do desassossego, dificil de revirar ar aranés: m’agrade hè’c coma desolatjament, çò de contrari ar anim deth solatge, o mielhor encara, destroble, coma inquietud fòrta e incisiva. Tar escrivan, era sensacion de vida ei dolorosa, pr’amor qu’arribam “ath punt de non saber dejà ce qui èm” e que “era unica forma d’èster d’acòrd damb era vida ei èster en desacòrd damb nosati madeishi”. Eth sòn ideau ei abitar en ua novèlla. Eth destroble d’abitar diuèrses pessoes, persones. “È creat en jo diuèrses personalitats”, mès entà crear-les “m’è abatut”, cohesse, coma se s’auesse vuedat. Pessoa s’ei exteriorizat laguens d’eth, sonque existís exteriorament, coma Pessoa, mès tanben coma Álvaro de Campos, Alberto Caeiro, Ricardo Reis. Es famosi eteronims. Pessoa ei un “scenari despolhat”, coma aguestes montanhes —a on tot ei “ua soleta energia”, coma escriu Campos en ua des poesies—, peth quau passen diuèrsi actors.

Tot çò de contrari ara subjectivitat holada actuau, plea d’un jo insuportable.

tracking